Bakı. 25 sentyabr. REPORT.AZ/ Tayland sentyabr ayının sonunadək 29 uyğur türkünü ABŞ-a göndərmək niyyətindədir.
"Report"un TASS-a istinadən verdiyi xəbərə görə, bu barədə Taylandın mərkəzi hissəsində yerləşən Pathumthani vilayətindəki miqrantların müvəqqəti saxlanma mərkəzinə səfəri zamanı ölkənin sosial inkişaf və ictimai təhlükəsizlik naziri Adul Saenqsinqkayev deyib.
Onun sözlərinə görə, ABŞ həmin uyğur türklərinə sığınacaq verəcək.
Taylandın Sosial İnkişaf və İctimai Təhlükəsizlik Nazirliyinin məlumatına görə, hazırda mərkəzdə 328 uyğur türkü var. Onların böyük əksəriyyəti buraya hakimiyyətin regionda qeyri-leqal miqrantların daşınmasına qarşı keçirdiyi xüsusi əməliyyatdan sonra gətirilib.