Xarkovda Azərbaycanın Fəxri Konsulluğu açılıb

Bakı. 16 oktyabr. REPORT.AZ/ Bu gün Xarkovda Azərbaycanın Fəxri Konsulluğunun təntənəli açılış mərasimi baş tutub. "Report" Ukrayna KİV-nə istinadən xəbər verir ki, mərasimdə Azərbaycan hökumətinin, Ukrayna Xarici İşlər Nazirliyinin nümayəndələri, diplomatlar, şəhər və vilayət rəhbərliyinin nümayəndələri iştirak ediblər. 

Fəxri Konsulluğun açılış mərasimində iştirak edən Azərbaycanın Ukraynadakı səfiri Eynulla Mədətli vurğulayıb ki, Azərbaycanın prezidenti İlham Əliyev Ukrayna ilə münasibətlərin genişlənməsi və dərinləşdirilməsinə böyük əhəmiyyət verir. "Bu il Odessa şəhərində artıq bir Fəxri Konsulluq açılıb, bu gün bir konsulluq da Xarkovda açılır" - deyə, səfir qeyd edib.