​Vladimir Putin Azərbaycan Prezidentini təbrik edib

​Vladimir Putin Azərbaycan Prezidentini təbrik edib "Azərbaycanın dünya arenasında nüfuzu artır"
Xarici siyasət
27 May , 2015 11:47
​Vladimir Putin Azərbaycan Prezidentini təbrik edib

Bakı. 27 may. REPORT.AZ/ Rusiya Federasiyasının Prezidenti Vladimir Putin Azərbaycan Respublikasının Prezidenti İlham Əliyevə 28 May – Respublika Günü münasibəti ilə təbrik məktubu göndərib. “Report”un xəbərinə göə, təbrik mətnində deyilir:

"Hörmətli İlham Heydər oğlu,

Milli bayramınız – Respublika Günü münasibətilə Sizi ürəkdən təbrik edirəm.

Sizin ölkəniz sosial-iqtisadi, elmi-texniki və mədəni inkişaf yolu ilə inamla irəliləyir. Azərbaycanın dünya arenasında nüfuzu artır.

Möhkəm dostluq, mehriban qonşuluq və qarşılıqlı hörmət ənənələrinə əsaslanan Rusiya-Azərbaycan münasibətlərinin yüksək səviyyəsini məmnuniyyətlə qeyd edirəm. Əminəm ki, biz konstruktiv siyasi dialoqun genişlənməsini, bütün istiqamətlərdə səmərəli əməkdaşlığın güclənməsini bundan sonra da birgə səylərimizlə təmin edəcəyik. Bu, ölkələrimizin əsaslı maraqlarına cavab verir, beynəlxalq sabitliyin və təhlükəsizliyin möhkəmlənməsi məcrasında inkişaf edir.

İlham Heydər oğlu, Sizə möhkəm cansağlığı, xoşbəxtlik və uğurlar, bütün həmvətənlərinizə sülh və firavanlıq arzu edirəm”.

Son xəbərlər

Orphus sistemi