XİN Azərbaycan və Türkiyə vətəndaşlarının şəxsiyyət vəsiqəsi ilə səfərinə dair açıqlama yayıb

XİN Azərbaycan və Türkiyə vətəndaşlarının şəxsiyyət vəsiqəsi ilə səfərinə dair açıqlama yayıb Bu barədə Türkiyə Xarici İşlər Nazirliyinin açıqlamasında bildirilib.
Xarici siyasət
4061
11 Dekabr , 2020 11:47
XİN Azərbaycan və Türkiyə vətəndaşlarının şəxsiyyət vəsiqəsi ilə səfərinə dair açıqlama yayıb
0 : 00
0 : 00

“Cənab Prezidentimiz Rəcəb Tayyib Ərdoğan Azərbaycan Prezidenti cənab İlham Əliyevin dəvəti ilə dekabrın 9-10-da dost və qardaş Azərbaycanda rəsmi səfərdə olub. Bu mənalı ziyarət çərçivəsində iki ölkə vətəndaşlarının şəxsiyyət vəsiqələri ilə qarşılıqlı səyahətlərinə imkan yaradan protokolun imzalanmasından böyük məmnuniyyət duyuruq. Həmin sənədin imzalanması xalqlarımızın daha da yaxınlaşmasının önünü açacaq”.

“Report” xəbər verir ki, bu barədə Türkiyə Xarici İşlər Nazirliyindən bildirilib.

“Azərbaycanın Türkiyə vətəndaşlarına tətbiq etdiyi vizanın ləğv edilməsindən sonra 2020-ci ilin fevralın 25-də iki ölkə vətəndaşlarının vizasız qalma müddəti 30 gündən 90 günədək artırılıb. Cənab nazirimiz Mövlud Çavuşoğlunun azərbaycanlı həmkarı Ceyhun Bayramov ilə dekabrın 10-u imzaladığı bu protokol ilə də iki ölkə vətəndaşları sadəcə şəxsiyyət vəsiqələri ilə Türkiyə və Azərbaycana qarşılıqlı olaraq səfər edə biləcəklər. Xalqlarımız arasındakı təması daha da artıracaq bu addım, eyni zamanda, Can Azərbaycan ilə münasibətlərimizin çatdığı səviyyəni göstərməsi baxımından əhəmiyyətlidir”,- nazirliyin açıqlamasında vurğulanıb.

Son xəbərlər

Orphus sistemi