Türkiyə MN Azərbaycan təyyarəsinin Marmarisdə yanğınların söndürülməsində iştirakı ilə bağlı məlumat yayıb

Türkiyə Milli Müdafiə Nazirliyi Azərbaycanın “BE-200ÇS” amfibiya tipli təyyarəsinin Marmarisdə meşə yanğınlarının söndürülməsində iştirakı ilə bağlı məlumat yayıb.

“Report” xəbər verir ki, məlumatda deyilir:

“Marmarisdə yanğınsöndürmə işlərinə dəstək vermək üçün ölkəmizə gələn Qətərə aid 3 helikopter və Azərbaycana məxsus 1 yanğınsöndürmə təyyarəsi Dalamana çatıb.

Dalaman Hava Limanı Komandanlığımızda montaj işlərindən sonra yanğınsöndürmə işlərinə dəstək verəcəklər”.