Səfir: "Nə Azərbaycan, nə də Türkiyə bir-birinə maraqlar prizmasından baxır"

Bakı. 29 noyabr. REPORT.AZ/ "Nə Azərbaycan, nə də Türkiyə bir-birinə maraqlar prizmasından baxır". "Report"un məlumatına görə, bunu Türkiyənin Azərbaycandakı səfiri İsmayil Alper Coşkun “Türkiyə-Azərbaycan Əlillər Dostluq Günü” tədbirindəki çıxışında deyib.

O, bir səfir kimi Azərbaycanla əlaqələrin daha da inkişaf etməsini istədiyini vurğulayıb: “Hər bir ölkə öz maraqlarını güdür. Amma biz bir-birimizlə əməkdaşlığa bu prizmadan baxmırıq. Çünki Azərbaycan və Türkiyə qardaş ölkələrdir, mən bundan qürur duyuram”.