Səfir: "İran xalqı Xocalı faciəsi ilə əlaqədar Azərbaycanın kədərinə şərik olur"

Bakı. 25 fevral. REPORT.AZ/ "Artıq 24 ildir ki, İran xalqı Xocalı faciəsi ilə əlaqədar Azərbaycanın kədərinə şərik olur".

"Report" xəbər verir ki, bunu İranın Azərbaycandakı səfiri Möhsün Pak Ayin bu gün keçirdiyi mətbuat konfransında bildirib.

"Biz həmin gün həlak olanların ruhları üçün dua edirik", - deyə səfir qeyd edib. 

Diplomat belə faciələrin bir daha təkrarlanmayacağına ümid etdiyini söyləyib.

"Xocalı faciəsi ilə əlaqədar başsağlığı verirəm", -  deyə Möhsün Pak Ayin vurğulayıb.