Bakı. 24 noyabr. REPORT.AZ/ Dekabrın 11-də Rumıniyada keçiriləcək parlament seçkiləri ilə əlaqədar bu ölkənin Azərbaycandakı səfirliyində seçki məntəqəsi açılacaq.
Bu barədə "Report"a Rumıniyanın Azərbaycandakı səfirliyindən bildiriblər.
Məlumata görə, seçki məntəqəsi səhər saat 07:00-dan axşam saat 21:00-a qədər açıq olacaq. Parlament seçkilərində Azərbaycanda həm daimi, həm də müvəqqəti yaşayan Rumıniya vətəndaşları iştirak edə bilərlər.