Qvineya WUF13-dən əlçatan mənzil məsələləri ilə bağlı praktiki həllər gözləyir - EKSKLÜZİV

Qvineya Bakıda keçirilən Ümumdünya Şəhərsalma Forumunun 13-cü sessiyasının (WUF13) qlobal mənzil böhranı ilə mübarizə üçün geniş beynəlxalq koalisiyanın formalaşdırılmasına töhfə verəcəyini gözləyir.

Bunu Qvineyanın urbanizasiya naziri Mohamed Lamin Si Savane "Report"a müsahibəsində bildirib.

"Ümid edirik ki, Bakıda bir neçə gün davam edəcək işdən sonra bütün dünyada insanların üzləşdiyi böhranın aradan qaldırılması üçün bütün səviyyələrdə siyasi həllər və praktik tədbirlər hazırlaya biləcəyik", - o deyib.

Nazir həmçinin vurğulayıb ki, söhbət mənzil almağa imkanı olmayan insanlardan getdiyi üçün bu problemi sürətləndirilmiş formatda həll etmək lazımdır.