Qazaxıstan-Azərbaycan Ekspert Şurası yaradılır

Azərbaycan və Qazaxıstanın yaradacağı Ekspert Şurasına hər iki ölkədən görkəmli ekspertlər və analitik mərkəzlərin nümayəndələri daxil olacaq.

“Report” Qazaxıstanın Azərbaycandakı Səfirliyinin mətbuat xidmətinə istinadən xəbər verir ki, bu barədə razılıq aprelin 7-si Qazaxıstanın Azərbaycandakı səfiri Serjan Abdıkarimov və Beynəlxalq Münasibətlərin Təhlili Mərkəzinin İdarə Heyətinin sədri Fərid Şəfiyev arasında baş tutmuş görüşdə əldə olunub.

Tərəflər, həmçinin Qazaxıstanla Azərbaycan arasında diplomatik münasibətlərin qurulmasının 30 illiyi ilə əlaqədar birgə tədbirlərin keçirilməsini razılaşdırıblar.