Perunun xarici işlər nazirinin müavini Azərbaycana səfər edəcək

Bakı. 30 may. REPORT.AZ/ "Bu ilin ikinci yarısında Perunun xarici işlər nazirinin müavini Hugo de Zela Azərbaycana səfər edəcək".

"Report"un məlumatına görə, bu barədə jurnalistlərə açıqlamasında Perunun Azərbaycandakı müvəqqəti işlər vəkili Luis Çanq Boldrini deyib.

Onun sözlərinə görə, hazırda Azərbaycan və Peru hökumətləri arasında bununla bağlı danışıqlar aparılır: "Biz Azərbaycan tərəfinə öz təklifimizi vermişik və hazırda səfərin tarixini müəyyənləşdiririk. Səfərin ilin ikinci yarısında baş tutacağı gözlənilir".