Paşinyan: “Azərbaycanla sülh müqaviləsi sənədinin imzalanması yaxşı xəbər olacaq”

“Azərbaycanla sülh müqaviləsi sənədinin imzalanması yaxşı xəbər olacaq”.

“Report” “Sputnik Armenia”ya istinadən xəbər verir ki, bunu Ermənistanın baş naziri Nikol Paşinyan yanvarın 10-da keçirdiyi mətbuat konfransında deyib.

O bildirib ki, bu, tərəflərin öz maraqlarını balanslaşdıra bildiklərini ifadə edəcək.

“Ermənistan saziş bağlamağa hazırdır və bunun üçün əlindən gələni edəcək”, - hökumət başçısı söyləyib.

N.Paşinyanın sözlərinə görə, Ermənistan Moskvanın təklifləri əsasında Azərbaycanla sənəd imzalamağa hazırdır: “İrəvan, həmçinin Qərb ölkələrinin təkliflərini nəzərdən keçirməyə hazırdır. Lakin əsas məsələ gələcək sənədin məzmunundadır”.