Misir səfiri Bakıda Fəxri xiyabanı ziyarət edib

Misirin Azərbaycandakı səfiri Hişam Mohammed Naqi Abdel Hamid Fəxri xiyabanı ziyarət edib.

“Report” xəbər verir ki, səfir ümummilli lideri Heydər Əliyevin abidəsi qarşısına güllər qoyub, həmçinin görkəmli oftalmoloq-alim, akademik Zərifə Əliyevanın xatirəsini yad edib.

Xatırladaq ki, aprelin 19-da Azərbaycan Prezidenti İlham Əliyev Misirin ölkəmizə yeni təyin olunmuş fövqəladə və səlahiyyətli səfiri Hişam Mohammed Naqi Abdel Hamidin etimadnaməsini qəbul edib.