Yuxarı
    Bağlamaq

    ​Milli Məclisin komitə sədri Belarusda beynəlxalq konfransda iştirak edəcək

    Əli Hüseynli Minskə gedəcək

    Bakı. 8 noyabr. REPORT.AZ/ Azərbaycan Milli Məclisinin (MM) Hüquq siyasəti və dövlət quruculuğu komitəsinin sədri Əli Hüseynli “MDB məkanında seçki prosesləri” mövzusunda keçiriləcək beynəlxalq konfransda iştirak etmək üçün noyabrın 9-dan 12-dək Belarusda səfərdə olacaq.

    Bu barədə "Report"a MM-in mətbuat xidmətindən məlumat verilib.

    Paytaxt Minsk şəhərində keçiriləcək toplantıda quruma üzv dövlətlərdə seçki prosedurlarının təkmilləşdirilməsi, bu sahədəki yeniliklər barədə fikir mübadiləsi aparılacaq. Deputat konfransda Azərbaycanda seçki prosesində beynəlxalq müşahidəçilərin rolu, yeni texnologiyaların tətbiqi və əldə olunan nailiyyətlərlə bağlı fikirlərini bildirəcək. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi