Azərbaycan-Gürcüstan sərhəd məsələləri üzrə komissiyanın ilk rəsmi iclası mayın 23-də Bakıda keçiriləcək - EKSKLÜZİV

Azərbaycan və Gürcüstan arasında dövlət sərhədinin delimitasiya və demarkasiyası üzrə komissiyanın ilk rəsmi iclası Bakıda keçiriləcək.

Bu barədə “Report”a diplomatik mənbələrdən məlumat verilib. 

İclas mayın 23-də baş tutacaq.

Qeyd edək ki, komissiyanın Azərbaycan və Gürcüstan tərəfdən həmsədrləri - xarici işlər nazirlərinin müavinləri Xələf Xələfov və Laşa Darsalia arasında tanışlıq xarakterli görüş mayın 14-də Bakıda keçirilib.