Gürcüstandakı prezident seçkiləri ilə bağlı Azərbaycanda üç seçki məntəqəsi açılacaq

Gürcüstandakı prezident seçkiləri ilə bağlı Azərbaycanda üç seçki məntəqəsi açılacaq Tbilisi. 22 noyabr. REPORT.AZ/ Gürcüstanda noyabrın 28-də keçiriləcək prezident seçkilərinin ikinci turu ilə bağlı Azərbaycanda üç seçki məntəqəsi yaradılacaq.
Xarici siyasət
3670
22 Noyabr , 2018 12:00
Gürcüstandakı prezident seçkiləri ilə bağlı Azərbaycanda üç seçki məntəqəsi açılacaq
0 : 00
0 : 00

Tbilisi. 22 noyabr. REPORT.AZ/ Gürcüstanda noyabrın 28-də keçiriləcək prezident seçkilərinin ikinci turu ilə bağlı Azərbaycanda üç seçki məntəqəsi yaradılacaq.

“Report”un yerli bürosu xəbər verir ki, bu barədə Gürcüstan Mərkəzi Seçki Komissiyası (MSK) məlumat yayıb.

4, 5 və 6 saylı seçki məntəqələri Gürcüstanın Azərbaycandakı səfirliyində açılacaq. Seçki məntəqələri yerli vaxtla səhər saat 08:00-dan axşam 24:00-a qədər fəaliyyət göstərəcək.

Bildirilib ki, Azərbaycanda 7700 Gürcüstan vətəndaşı konsulluq qeydiyyatındadır. Gürcüstan MSK ölkə xaricində ümumilikdə, 58 seçki məntəqəsi yaradacaq.

Qeyd edək ki, prezident seçkilərinin ikinci turunda mübarizə hakim Gürcü Arzusu Partiyasının dəstəklədiyi müstəqil namizəd Salome Zurabişvili və Vahid Milli Hərəkat Partiyasının namizədi Qriqol Vaşadze arasında gedəcək. Gürcüstanın yeni prezidenti sonuncu dəfə birbaşa səsvermə yolu ilə 6 il müddətinə seçiləcək. 

Son xəbərlər

Orphus sistemi