GUAM-ın yeni təyin olunan baş katibi gələn ildən öz vəzifəsinin icrasına başlayacaq

Bakı. 18 may. REPORT.AZ/ GUAM-ın yeni təyin olunan baş katibi Altay Əfəndiyev 1 yanvar 2016-cı il tarixindən etibarən öz vəzifələrinin icrasına başlayacaq. "Report" GUAM-ın mətbuat xidmətinə istinadən xəbər verir ki, azərbaycanlı diplomat 4 il müddətinə bu vəzifəyə təyin olunub.

Xatırladaq ki, A.Əfəndiyevin GUAM-ın baş katibi vəzifəsinə təyin olunması haqqında qərar GUAM Xarici İşlər Nazirləri Şurasının mayın 15-də Bratislavada keçirilən iclasında qəbul olunub.