"Mezzo" kanalı beş il ərzində Azərbaycan bəstəkarlarının əsərlərinin ifa olunduğu konsertləri yayımlayacaq

Fransanın "Mezzo" telekanalı beş il ərzində Azərbaycanın tanınmış bəstəkarlarının əsərlərinin ifa edildiyi konsert layihələrini yayımlayacaq.

"Report"un məlumatına görə, bu barədə Mədəniyyət Nazirliyi və Əqli Mülkiyyət Agentliyinin birgə məlumatında bildirilib.

Qeyd olunub ki, Mədəniyyət Nazirliyinin Fransanın “Mezzo” kanalı ilə bağladığı müqaviləyə əsasən həyata keçirdiyi bir neçə irimiqyaslı layihə çərçivəsində Üzeyir Hacıbəylinin, Fikrət Əmirovun, Qara Qarayevin, Hacı Xanməmmədovun, Arif Məlikovun və digər görkəmli Azərbaycan bəstəkarlarının əsərləri məşhur konsert salonlarında dünya şöhrətli solist və orkestrlər tərəfindən Azərbaycan musiqisi kimi ifa olunub:

"Həmin layihələr "Mezzo" telekanalı tərəfindən lentə alınaraq beş il ərzində müxtəlif vaxtlarda bütün dünyaya yayımlanacaq".