Elmar Məmmədyarov Sierra Leone və Eritreyanın xarici işlər nazirləri ilə görüşüb

Bakı. 26 sentyabr. REPORT.AZ/ Azərbaycanın xarici işlər naziri Elmar Məmmədyarov BMT-nin Baş Assambleyasının 73-cü sessiyası çərçivəsində Sierra Leone xarici işlər və beynəlxalq əməkdaşlıq naziri Alie Kabba və Eritreyanın xarici işlər naziri Osman Saleh Məhəmməd ilə görüşüb.

Bu barədə "Report"a Xarici İşlər Nazirliyinin mətbuat xidmətindən məlumat verilib. 

Nyu-Yorkda baş tutan görüşlərdə ölkələr arasında əməkdaşlıq perspektivləri, beynəlxalq təşkilatlar çərçivəsində qarşılıqlı əməkdaşlıq və dəstək məsələləri, eləcə də BMT Baş Assambleyasının 73-cü sessiyasının gündəliyi üzrə maraq doğuran məsələlər ətrafında fikir mübadiləsi aparılıb.