Dövlət katibi: "Latviya öz təcrübəsini Azərbaycanla bölüşməyə hazırdır"

Latviya xarici işlər nazirliyinin dövlət katibi Andris Pelş Azərbaycanın bu ölkəyə təyin olunmuş yeni səfiri Elnur Sultanovu qəbul edib.

“Report” Latviya XİN-ə istinadən xəbər verir ki, görüş zamanı iki ölkə arasında münasibətlər, Aİ və Azərbaycan arasında əməkdaşlığın yaxşılaşdırılması, habelə Cənubi Qafqazdakı vəziyyət müzakirə olunub.

Səfir Latviyanın strateji əhəmiyyətli tərəfdaş olduğunu və Azərbaycanın ərazi bütövlüyünə verdiyi dəstəyin ölkəmizdə yüksək qiymətləndirildiyini qeyd edib.

Dövlət katibi Aİ ilə Azərbaycan arasında əməkdaşlığın möhkəmləndirilməsi məqsədilə Latviyanın bundan sonra da islahatlar təcrübəsini Azərbaycanla bölüşməyə hazır olduğunu qeyd edib.