Dövlət Departamenti: Cənubi Qafqaz üçün dinc gələcəyin təşviqinə sadiq qalırıq

ABŞ Cənubi Qafqaz regionunda dinc və firavan gələcəkdə maraqlıdır.

“Report” xəbər verir ki, bu barədə ABŞ Dövlət Departamentinin mətbuat xidmətinin rəhbərinin müavini Vedant Patel brifinqdə bildirib.

“Biz Cənubi Qafqaz regionu üçün dinc və firavan gələcəyin təşviqinə sadiq qalır və bu məsələdə də müttəfiqlərimiz və tərəfdaşlarımızla bölgədə fəal iştirak etməyə davam edəcəyik”, - xarici siyasət idarəsinin nümayəndəsi deyib.