Azərbaycanlı diaspor fəalı yenidən Qazaxıstanın yerli qanunverici orqanına üzv seçilib 

Qazaxıstan Respublikasının Mangistau vilayətinin Aktau şəhər Məsləhətinə keçirilən seçkilərdə azərbaycanlı Şəmsəddin Hüseynov yenidən Məsləhətin üzvü seçilib.

"Report" xəbər verir ki, bu barədə Şəmsəddin Hüseynov öz feysbuk hesabında məlumat verib və ona etimad göstərənlərə təşəkkür edərək bu etimadı doğrultmağa çalışacağını bildirib.

Qeyd edək ki, 1992-ci ildən Qazaxıstanda yaşayan və ölkədəki Azərbaycan diasporunun fəal üzvü olan həmyerlimiz Şəmsəddin Hüseynov daha öncə də 2016-cı ildə Aktau şəhər Məsləhətinə millət vəkili seçilib.