Azərbaycanın ABŞ-dakı səfirliyinə amerikalı konqresmenin ifadələrini aydınlaşdırmaq tapşırığı verilib

Bakı. 10 fevral. REPORT.AZ/ Azərbaycanın ABŞ-dakı səfirliyinə amerikalı konqresmen Adam Şiffin ifadələrini aydınlaşdırmaq tapşırığı verilib.

"Report" xəbər verir ki, bu barədə keçirdiyi mətbuat konfransında Azərbaycanın xarici işlər naziri Elmar Məmmədyarov məlumat verib.

"Bizim diplomatik nümayəndəliyimiz Konqres və Ağ Evlə işləyir. Bu işin nəticələrinə görə daha ətraflı məlumat veriləcək", - deyə E.Məmmədyarov bildirib.

Xatırladaq ki, bundan əvvəl amerikalı konqresmen Adam Şiff "Horizon Life" verilişində Ermənistanın "Asbarez" qəzetinin redaktoru Ara Xaçatryana müsahibəsində ABŞ dövlət katibinin Avropa və Avrasiya məsələləri üzrə köməkçisi Viktoriya Nulandın AŞPA-da Dağlıq Qarabağ üzrə qətnamənin qəbul edilməməsində xüsusi rol oynadığını bildirmişdi.