Azərbaycan XİN Pittsburqda sinaqoqa hücumla əlaqədar başsağlığı verib

Bakı. 28 oktyabr. REPORT.AZ/ Azərbaycan Xarici İşlər Nazirliyi ABŞ-ın Pittsburq şəhərində sinaqoqa edilən hücumda ölənlərin ailələrinə başsağlığı verib.

"Report" xəbər verir ki, bu barədə Xarici İşlər Nazirliyinin Mətbuat Xidmətinin rəhbəri Leyla Abdullayeva özünün "Twitter" hesabında yazıb.

We’re saddened by atrocious crime in #PittsburgSynagogue. We send our deep condolences to the victims and their families. Together for a better world without #hate & #violence @IsraelMFA @IsraelinAZ @azembassyus @azconsulatela

— Leyla Abdullayeva (@LAbdullayevaMFA) October 28, 2018

"Pittsburq sinaqoqunda baş vermiş cinayətə görə kədərlənirik. Ölənlərin ailələrinə dərin hüznlə başsağlığı veririk. Nifrət və şiddətsiz daha yaxşı dünya üçün bir yerdə olaq", - deyə L.Abdullayeva yazıb.

Qeyd edək ki, oktyabrın 27-də silahlı şəxs Pittsburqdakı sinaqoqlardan birinə gələnlərə atəş açıb. Son məlumatlara görə, hadisə nəticəsində 11 nəfər ölüb.