Bakı. 3 may. REPORT.AZ/ Azərbaycan və Ukrayna Xarici İşlər nazirlikləri arasında siyasi məsləhətləşmələr keçiriləcək.
"Report" Ukraynanın Azərbaycandakı səfirliyinə istinadən xəbər verir ki, məsləhətləşmələrdə iştirak etmək məqsədi ilə Ukrayna xarici işlər nazirinin müavini Vasili Bodnar Bakıya işgüzar səfərə gəlib.
Tərəflər ikitərəfli əməkdaşlığın vəziyyətini və gələcək inkişafının perspektivlərini müzakirə edəcəklər.