Azərbaycan-Gürcüstan-Türkiyə XİN başçılarının Bakı görüşü təxirə salındı - YENİLƏNİB

Azərbaycan Xarici İşlər Nazirliyi (XİN) fevral 19-da Bakıda keçirilməsi nəzərdə tutulan Azərbaycan-Gürcüstan-Türkiyə xarici işlər nazirlərinin üçtərəfli görüşü ilə bağlı məlumat yayıb.

XİN-dən "Report"a bildirilib ki, görüş təxirə salınıb.

Fevralın 19-da Bakıda keçirilməsi planlaşdırılan Azərbaycan, Gürcüstan və Türkiyə XİN başçılarının doqquzuncu üçtərəfli görüşü təxirə salınıb.

“Report”un yerli bürosu xəbər verir ki, buna səbəb Gürcüstan baş nazirinin müavini, xarici işlər naziri David Zalkalianinin Azərbaycana rəsmi səfərinin təxirə düşməsidir.

Gürcüstan XİN-dən səfərin təxirə salındığını təsdiqləyiblər. Buna səbəb Baş nazir Giorgi Qaxariyanın istefa verməsidir.