ATƏT-in Baş katibi Azərbaycanı təbrik edib

Avropada Təhlükəsizlik və Əməkdaşlıq Təşkilatının (ATƏT) Baş katibi Helda Şmid təşkilata qəbul olunmasının 30 illiyi münasibətilə Azərbaycanı təbrik edib.

“Report” xəbər verir ki, o, bu barədə rəsmi tviter səhifəsində yazıb.

“Otuz il əvvəl ATƏM-ə (hazırda ATƏT adlanır) üzv qəbul olunmuş ölkələri təbrik edirəm. ATƏT-in onların tarixlərinin bir parçası olması ilə qürur duyur və növbəti 30 ili səbirsizliklə gözləyirik!, - H.Şmid yazıb.

Xatırladaq ki, Azərbaycan 1992-ci il yanvarın 30-da ATƏM-ə üzv qəbul olunub. 1995-ci il yanvarın 1-dən təşkilatın adı ATƏT adlandırılıb.