Gökberk Durmaz: “Azərbaycan türk dünyası üçün Türkiyə üzərindən Avropaya açılan qapı rolunu oynayır”

“Azərbaycan türk dünyası üçün Türkiyə üzərindən Avropaya açılan qapı rolunu oynayır”.

Bunu “Report”un Ankara bürosuna Ankara Sosial Elmlər Universitetinin müəllimi, beynəlxalq əlaqələr üzrə ekspert Dr. Gökberk Durmaz bildirib.

Ekspertin fikrincə, Azərbaycan sovetlər birliyinin tərkibindən çıxdıqdan sonra Türkiyə ilə qardaşlıq əlaqələri bərpa olunub. Hər iki ölkənin regiondakı gücü ildən-ilə artıqca, bu əlaqələr daha da möhkəmlənir: “Türkiyənin beynəlxalq aləmdə artan gücü, müdafiə sənayesi sahəsindəki uğurları, eyni şəkildə də Azərbaycanın enerji təminatı başda olmaqla bir çox xarici əlaqələrdə önəmli rol oynaması ölkələrimiz arasındakı əlaqələri zirvəyə çıxarır”.