Alen Simonyan: “Azərbaycan və Ermənistan ilin sonunadək sülh müqaviləsi imzalaya bilər”

“Azərbaycan və Ermənistan ilin sonuna qədər sülh müqaviləsi imzalaya bilər”.

“Report” Ermənistan mətbuatına istinadən xəbər verir ki, bunu Ermənistan parlamentinin sədri Alen Simonyan jurnalistlərə deyib.

“Mən də sülh müqaviləsinin mümkün qədər tez imzalanmasını istəyirəm. Amma ortada sənəd yoxdur. Yalnız yüzlərlə təklif və fikir var”, - o bildirib.

Xatırladaq ki, bundan əvvəl Ermənistan Təhlükəsizlik Şurasının katibi Armen Qriqoryan Ermənistan ilə Azərbaycanın bu ilin sonuna qədər sülh müqaviləsi imzalamaq niyyətində olduğunu bəyan etmişdi.