Yuxarı
    Bağlamaq

    ABŞ Dövlət Departamenti: Xəzər sammiti üzrə birgə bəyanat bizim Azərbaycanla sıx əməkdaşlığımıza təsir göstərməyəcək

    Cen Psaki Xəzəryanı ölkələrinin Həştərxan sammitinin nəticələrini şərh edib

    Bakı. 1 oktyabr. REPORT.AZ/ "Xəzər sammitinin nəticələrinə görə qəbul edilən birgə bəyanat bizim Azərbaycanla təhlükəsizlik sahəsində sıx əməkdaşlığımıza təsir göstərməyəcək". "Report" xəbər verir ki, bunu ABŞ Dövlət Departamentinin sözçüsü Cen Psaki Vaşinqtonda keçirilən brifinqində deyib.

    "Biz Xəzər "beşliyinin" Xəzər dənizində həmin ölkələrə məxsus olmayan silahlı qüvvələrin buraxılmamasına çağıran birgə bəyanatı ilə tanış olduq. Bizim Azərbaycanla təhlükəsizlik sahəsində, o cümlədən sərhədlərin təhlükəsizliyi, terrorizmlə mübarizə, NATO ilə qarşılıqlı fəaliyyət, sülhməramlıların beynəlxalq missiyalarda iştirakı sahələrində sıx əlaqələrimiz var.  Biz Xəzər "beşliyinin" bunu dəyişdirəcəyini gözləmirik" - deyə, C.Psaki bildirib. 

    Xatırladaq ki, sentyabr ayının 29-da Həştərxanda beş Xəzəryanı ölkələr - Azərbaycan, Rusiya, İran, Qazaxıstan və Türkmənistanın dövlət başçılarının iştirakı ilə IV Xəzər sammiti keçirilib. Görüşün sonunda siyasi bəyanat qəbul edilib. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi