Türkiyə vətəndaşlarını ölkəyə daxil olarkən peyvəndləyəcək

Xaricdən ölkəyə qayıdan Türkiyə vətəndaşları ölkənin 38 hava limanında və sərhəd-keçidlərində peyvənd olunacaqlar.

“Report” Türkiyə mətbuatına istinadən xəbər verir ki, bu barədə səhiyyə naziri Fəxrəddin Koca məlumat verib.

“Xaricdən qayıdan vətəndaşlarımıza ölkənin 48 hava limanından 38-də peyvəndin birinci və ikinci dozalarının vurulmasını təklif edirik. Hazırda 4 vilayətdə yerləşən sərhəd-keçid məntəqəsində bu prosedur həyata keçirilir” – nazir bildirib.

Onun sözlərinə görə, peyvəndləmə könüllü əsaslarla həyata keçiriləcək.

Qeyd edək ki, hazırda Türkiyədə 15,6 milyon nəfər vətəndaş tam peyvənd olunub. Ümumilikdə ölkədə 52,5 milyon nəfərə peyvənd vurulub.