Nazir: "Turistlərin Azərbaycana cəlb olunması üçün ciddi iş aparılır"

Bakı. 2 aprel. REPORT.AZ/ Azərbaycanda tarixi abidələrin qorunması, saxlanması və eyni zamanda, buraya turistlərin cəlb olunması istiqamətində Mədəniyyət və Turizm Nazirliyi tərəfindən ciddi iş aparılır. "Report" xəbər verir ki, bunu mədəniyyət və turizm naziri Əbülfəs Qarayev jurnalistlərə açıqlamasında bildirib. 

Nazir deyib ki, bu yaxınlarda Tovuz, Qazax, Şəmkir, Göygöl rayonlarında yerləşən turizm və tarixi məkanlara səfər edib: "Onları vahid turizm proqramı çərçivəsində Azərbaycan sakinləri və turistlərə təqdim etməyə hazırıq. İnanırıq ki, azərbaycanlı turistlər xarici ölkələrlə yanaşı, öz bölgələrimizə də səyahət edəcəklər".