Naftalanda sağlamlıq turizmini inkişaf etdirmək üçün yeni plan hazırlanıb

"Sağlamlıq turizmi baxımından Naftalan şəhərinin turistlər üçün necə əlçatan olması ilə bağlı plan hazırlanıb".

"Report" xəbər verir ki, bunu Bakıda keçirilən “Azərbaycan Turizm Sammiti – 2019” tədbirində Turizm Bürosunun Baş icraçı direktorunun müavini Bəhruz Əsgərov bildirib.

Onun sözlərinə görə, gələn il bu planın həyata keçirilməsi ilə məşğul olacaqlar.

"Naftalana ildə 36 min turist gəlir. Görülən işlərin nəticəsində bu göstəriçini yaxın illərdə 60 minə çatdırmağı nəzərdə tuturuq", - o deyib.