Məşhur çimərlik kurortu peyvənd olunmuş turistlər üçün məhdudiyyətləri yumşaldır

Mavriki hakimiyyəti sentyabrın 1-dən etibarən peyvənd olunmuş turistlər üçün məhdudiyyətləri yumşaldacaq.

“Report” xəbər verir ki, bu barədə Rusiya Turizm Operatorları Assosiasiyasının (ATOP) saytında məlumat verilib.

Bundan sonra çimərlikləri ilə məşhur olan bu ölkəyə gələn peyvənd olunmuş turistlər 14 yox, 8 gün qaldıqları hoteli tərk edə bilməyəcəklər. Bununla belə, onlar hovuz və çimərlik də daxil olmaqla bütün xidmətlərdən istifadə edə biləcəklər.

Peyvənd olunmamış turistlər isə əvvəlki kimi 14 gün ərzində karantinə alınacaqlar.