Bu il Azərbaycandan Türkiyəyə 352 minə yaxın turist gedib

Bu ilin yanvar-iyun aylarında Azərbaycandan Türkiyəyə 351 539 nəfər səfər edib.

“Report” xəbər verir ki, bu barədə Türkiyənin Mədəniyyət və Turizm Nazirliyinin yaydığı məlumatda qeyd edilib.

Bildirilib ki, bu, ötən ilə nisbətən 280 nəfər, yaxud 0,08% artım deməkdir. Bu ilin ilk yarısında Türkiyəyə səfər edən azərbaycanlılar ümumi turistlərin 1,94%-ni təşkil edib.