Azərbaycandan Gürcüstana səfər edənlərin sayı 15%-dən çox artıb

Ötən ay Azərbaycandan Gürcüstana 287 378 nəfər səfər edib.

“Report”un yerli bürosu xəbər verir ki, bu barədə Gürcüstan Daxili İşlər Nazirliyinin hesabatında bildirilib.

Bu göstərici ilə Azərbaycan qonşu ölkəyə səfər edən əcnəbi ziyatəçilər arasında birinci yeri tutub. İkinci yerdə 252 873 nəfərlə Rusiya, üçüncü yerdə isə 249 706 nəfərlə Ermənistan qərarlaşıb.

İllik müqayisədə qonşu ölkəyə səfər edən azərbaycanlı turistlərin sayı 39 295 nəfər və ya 15,8% artıb.

Avqust ayında Gürcüstana, ümumilikdə, 1 254 554 əcnəbi səfər edib ki, bu da ötən ilin eyni göstəricisindən 5,8% çoxdur.