Azərbaycan vasitəsilə Gürcüstana səfər edən rusiyalı turistlərin sayı artıb

İyulun 22-dən 29-na qədər Azərbaycan vasitəsilə Gürcüstana 3 974 Rusiya vətəndaşı səfər edib.

“Report”un Gürcüstan bürosu xəbər verir ki, bu barədə TBC Bankın “TBC Research” bölməsinin araşdırmasında bildirilib.

İllik müqayisədə Azərbaycan sərhədindən Gürcüstana daxil olan rusiyalı turistlərin sayı 1,6% artıb.

İyulun dördüncü həftəsində qonşu ölkəyə Rusiyadan, ümumilikdə, 53 682 nəfər səfər edib ki, bu da ötən ilin eyni dövrü ilə müqayisədə 6,8% azdır. Rusiyalı turistlərin böyük əksəriyyəti - 50 062 nəfəri Gürcüstana quru yolu vasitəsilə yollanıb. Bu göstəricidə 14,8% artım qeydə alınıb.