Azərbaycan "I Beynəlxalq islam ticarət, biznes və turizm" yarmarkasında iştirak edib

Bakı. 2 fevral. REPORT.AZ/ Azərbaycan Malayziyada keçirilən "I Beynəlxalq islam ticarət, biznes və turizm" yarmarkasında iştirak edib.

"Report" Azərbaycanın Malayziyadakı səfirliyinin məlumatına istinadən xəbər verir ki, sərgidə Azərbaycandan olan sahibkarlar və iş adamları iştirak edib. Azərbaycanın milli stendində ölkədə istehsal olunan müxtəlif məhsullar nümayiş olunub.

Qeyd  edək ki, sərgi yanvarın 30-dan fevralın 1-nə qədər Kuala-Lumpurda keçirilib. Sərginin əsas məqsədi müxtəlif müsəlman ölkələrinin biznes dairələrinin yaxınlaşması, həmin ölkələr arasında ticarət əlaqələrinin möhkəmləndirilməsidir.