​Qırğızıstanda beynəlxalq ekspo sərgi keçiriləcək

Bakı. 31 may. REPORT.AZ/ Qırğızıstanda “Made in Kyrgyzstan” adlı I beynəlxalq ekspo sərgi keçiriləcək.

“Report”un Azərbaycanda İxracın və İnvestisiyaların Təşviqi Fonduna (Azpromo) istinadən verdiyi xəbərə görə, paytaxt Bişkek şəhərində təşkil olunacaq sərgi iyunun 3-4-ündə baş tutacaq.

Qeyd edək ki, respublikamızda fəaliyyət göstərən sahibkarlar və işgüzar dairələr sərgidə iştiraka dəvətlidirlər.

Sərgi haqqında ətraflı məlumat əldə etmək istəyənlər Azpromo-ya müraciət edə bilərlər.