Yuxarı

"Qatar Airways" yeni endirim aksiyası keçirib

Endirimli aviabiletlərin satışı mayın 15-dək davam edəcək

Bakı. 31 mart. REPORT.AZ/ “Qatar Airways” aviaşirkəti yaz endirim aksiyasına başladığını elan edib. “Report” aviaşirkətin məlumatına əsasən bildirir ki, aksiya daxilində Azərbaycandan bir sıra istiqamətlərdə olan uçuşlara xüsusi "ekonom" sinif tarifləri tətbiq olunmaqla endirimlər yer alıb. Endirimli uçuşlar Bakı-Banqkok (710 manat), Bakı-Cakarta (851 manat), Bakı-Kuala Lumpur (858 manat), Bakı-Sinqapur (899 manat) istiqamətlərinə aiddir.

Qeyd edək ki, endirimli aviabiletlərin satış müddəti mayın 15-nə kimidir, uçuş isə aprelin 30-dan iyunun 17-nə kimi reallaşdırılmalıdır. Güzəştlər yalnız "ekonom" sinifə (O, T və Q) aiddir. "O" sinfi üçün məntəqədə ən az qalma müddəti 4 gün, "T" və "Q" sinifləri üçün - ən az 2 gün müəyyən edilib. Maksimal qalma müddəti isə "O" sinfi üçün 1 ay, "T" üçün 2 ay, "Q" sinfi üçün isə 3 aydır. Satılmış biletlər ləğv olunmur.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi