Yuxarı

Bakı Turizm İnformasiya Mərkəzi I Avropa oyunları ilə əlaqədar hazırlıq işlərini tamamlayıb

Mərkəzin iş qrafikində dəyişiklər olub

Bakı. 16 may. REPORT.AZ/ Bakıda 12-28 iyun tarixində keçiriləcək I Avropa oyunları ilə əlaqədar Bakı Turizm İnformasiya Mərkəzi tərəfindən bir sıra işlər görülüb.

"Report" xəbər verir ki, bu barədə məlumatı Mədəniyyət və Turizm nazirliyi yayıb.

Bununla əlaqədar Mərkəzin girişində I Avropa oyunlarının stend və bannerləri quraşdırılıb və ölkəmizin turizm potensialını təbliğ edən bir neçə yeni reklam çap məhsulları hazırlanıb.

Mərkəzdə həmçinin suvenir köşk quraşdırılıb. Eyni zamanda, ölkəmizə səfər edəcək turistlərə və qonaqlara daha yüksək xidmət göstərilməsi üçün Bakı Turizm İnformasiya Mərkəzinin mütəxəssislərinə ingilis dili kursları təşkil olunub.

Qeyd edək ki, Bakı Turizm İnformasiya Mərkəzi I Avropa oyunları ilə əlaqədar gücləndirilmiş iş rejiminə keçib və iş qrafiki şənbə və bazar günləri daxil olmaqla 21:00-a kimi uzadılıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi