Yuxarı
    Bağlamaq

    Azərbaycanla İran arasında yeni aviareys açılıb

    Bu gündən Tehran-Bakı-Təbriz aviareysi fəaliyyətə başlayıb

    Bakı. 16 iyun. REPORT.AZ/ Azərbaycanla İran arasında aviauçuşların coğrafiyası genişləndirilir. Bu gündən etibarən Tehran-Bakı-Təbriz marşrutu ilə yeni aviareys həyata keçiriləcək. 

    "Report" xəbər verir ki, bunu uçuşları həyata keçirən İranın "ATA Airlines" şirkətinin Azərbaycan nümayəndəliyinin rəhbəri Nader Şayesti bildirib. 

    Onun sözlərinə görə, uçuşlar həftənin bazar ertəsi və cümə axşamları yerinə yetiriləcək.

    "Təyyarə saat 12:16-da Tehrandan Bakıya yola düşəcək və 13:30-da Bakıda olacaq. Eyni təyyarə 15:00-da Təbrizə uçacaq. Bakı-Tehran istiqamətində aviabiletin qiyməti (gediş -dönüş) 180 manat təşkil edir", - deyə o, bildirib.

    Uçuşlar "Airbus-320" təyyarəsi ilə yerinə yetiriləcək.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi