Bakı. 6 noyabr. REPORT.AZ/ Bakıda Macarıstan universitetlərinin təhsil sərgisi keçiriləcək.
"Report" xəbər verir ki, sərgi noyabrın 9-dan 11-dək saat 17.00-da "Caspian Plaza"da olacaq. Sərgiyə giriş pulsuzdur.
Sərgiyə gələn insanlar Macarıstanda ali təhsil müəssisələri, bu ölkə tərəfindən həyata keçirilən tədris proqramları haqqında məlumat əldə edə biləcəklər.
Sərgidə "International Business School", Peç və Debresen şəhərlərinin universitetləri, Korvina Universiteti, BKF Universiteti, Duna Kolleci iştirak edəcəklər.