Son on ilin ən varlı musiqiçiləri bəlli olub

“Forbes” son on ilin ən zəngin musiqiçilərinin reytinqini dərc edib.

“Report” nəşrin saytına istinadən xəbər verir ki, reytinqdə 1-ci yeri amerikalı repçi və prodüser Dr. Dre (Andre Romel Yanq) tutub.

Onun varidatı 950 milyon dollar məbləğində dəyərləndirilir. Repçi son albomunu hələ 2015-ci ildə buraxsa da, 2014-cü ildə “Apple”ın satın aldığı “Beats Electronics” səsyazma cihazlar istehsalçısı şirkətinin həmtəsisçisi və səhmlərinin 20%-nin sahibidir.

İkinci yerdə 825 milyon dollarlıq varidatın sahibi amerikalı pop ifaçısı Teylor Suift, 3-cü yerdə əmlakı 685 milyon dollar olan amerikalı müğənni Beyons qərarlaşıb.