Yuxarı

İsraildə "Eurovision"a bilet satışı dayandırılıb

​İsraildə "Eurovision"a bilet satışı dayandırılıb

Bakı. 4 mart. REPORT.AZ/ İsraildə keçiriləcək "Eurovision-2019" mahnı müsabiqəsi üçün bilet satışı dayandırılıb.

"Report" TASS-a istinadən xəbər verir ki, bu barədə İsrailin "Doqquzuncu kanal"ı məlumat verib.

Məlumata görə, bu il mayın 14-18-də Təl-Əvivdə keçiriləcək müsabiqə üçün bilerlətin satışının müvəqqəti dayandırılması barədə qərarı müsabiqənin keçirilməsinə məsul olan İsrailin İctimai Yayım Korporasiyası qəbul edib. 

"Səbəb bilet satışı zamanı ən yaxşı yerlərin mədəniyyət və idman elitasının nümayəndələrinə qismət olmasında və tənzimləyici orqanların bundan şübhələnməsindədir", - kanal bildirib.

Telekanalın məlumatına görə, satışına bu il fevralın 28-də başlanan və satışı dayandırıldıqdan sonra sosial şəbəkələrdə biletlərin qiyməti təyin olunandan 2,5 dəfə baha satışa qoyulub.

İsrailin daxili təhlükəsizlik naziri Qilad Erdan hüquq-mühafizə orqanlarına spekulyantlara qarşı təcili tədbirlər görməyi tapşırıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi