Yuxarı
    Bağlamaq

    ​"Eurovision-2015"in qalibi ölümlə hədələnib

    Əli Şişani: Onu üzr istəməyə çağırırıam

    Bakı. 26 may. REPORT.AZ/ "Eurovision-2015" mahnı yarışmasının qalibi, isveçli ifaçı Mans Zelmerlevin sosial şəbəkədə yerləşdirdiyi fotosu albanların kəskin etirazına səbəb olub.

    "Report" xəbər verir ki, bu haqda xarici KİV məlumat yayıb.

    Xəbərə görə, fotolardan birində o, çarpayıda uzanmış vəziyyətdədir, Albaniyanın dövlət bayrağı isə ayaq altına atılıb.

    Bu foto yayıldıqdan sonra "Eurovision-2015"-in qalibi ölümlə hədələnib.

    Albaniyada çıxan "Panorama" qəzeti də müğənninin yayılan fotosuna münasibət bildirərək, Mans Zelmerlevini kəskin tənqid edib. İsveçdə yaşayan albanlar da baş verənlərdən kənar qalmayıblar.

    İsveçdə dərc olunan "Ekspressen" qəzeti yazıb ki, İsveç Albanları Federasiyasının sədri Əli Şişani müğənninin hərəkətini belə dəyərləndirib: "Bu hörmətsizlikdir. Onu etdiyi hərəkətə görə üzr istəməyə çağırıram".

    Baş verənlərdən sonra ifaçı həmin fotonu səhifəsindən silib. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi