Yuxarı

“CinemaPlus”da “Qar adamı axtarışında” cizgi filminin xeyriyyə nümayişi keçirilib - VİDEO

“CinemaPlus”da “Qar adamı axtarışında” cizgi filminin xeyriyyə nümayişi keçirilib - VİDEO

Bakı. 28 avqust. REPORT.AZ/ “CinemaPlus 28 Mall” premium kinoteatrında bu il “Cinemazadeh” studiyasında Azərbaycan dilinə peşəkar dublyaj edilən Kanada istehsalı olan “Qar adamı axtarışında” animasiya filminin uşaqlar üçün xeyriyyə nümayişi keçirilib.

"Report" xəbər verir ki, cizgi filmi başlamazdan öncə uşaqlar üçün sehrbaz Anarın çıxışı ilə əyləncə proqramı təşkil olunub.

Animasiya filmini Vüsal Xalıqoğlu, Mətanət Abbaslı, Rövşən Məmmədli, Pərviz Məmmədrzayev, Emin Nəsirli, Ramil Zeynalov, Nəcibə Hüseynova, Vüsal Hacıqədir və Elşən Rüstəmov dublyaj ediblər.

Dublyajın rejissoru Vüsal Məmmədov, redaktoru Vüqar Hüseynov, səs rejissoru Natiq Şəkərəliyev, səs operatoru Rəhman Hacıyev, post-prodakşn supervayzer Vüqar İslamzadə, icraci prodüseri Emil Davudzadə, baş prodüser Cəfər Axundzadədir.

Ailəvi cizgi filminin rejissorları Pyer Qreko və Nensi Sevarddır.

Qeyd edək ki, cizgi filmində şəxsi detektiv Nelli və botanik-alim Saymonun maraqlı sərgüzəştlərindən bəhs edilir. Onlar əminliklə Qar adamının varlığına inanırlar. Mifik heyvanın varlığını sübut etmək üçün tədqiqatçılar Himalayın düz mərkəzinə yola düşməli və onu tapmalıdırlar.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi