Yuxarı

ABŞ-da "Emmi" mükafatları təqdim olunub

Taxtların oyunu mükafatlar sayında teleseriallar arasında rekord müəyyənləşdirib

Bakı. 19 sentyabr. REPORT.AZ/ "Taxtların oyunu" (Game of Thrones) fentezi və dram janrlı teleserial ən yaxşı dram serialı nominasiyasında ABŞ Televiziya Sənəti Akademiyası tərəfindən verilən "Emmi" mükafatına layiq görülüb.

"Report" BBC-yə istinadən xəbər verir ki, "Taxtların oyunu" teleserialının rejissoru Migel Sapoçnik də mükafat alıb.

Bununla da "Taxtların oyunu" indiyə qədər ümimilikdə 38 "Emmi" mükafatı qazanmaqla teleseriallar arasında yeni rekord müəyyənləşdirib.

Bu il əsas nominasiyada həmçinin "Daunton abbatlığı", "Vətən" və "Kartlar Evi" kimi televiziya hitləri də namizəd olub.

Ən yaxşı komediya serialı nominasiyasında sonradan vitse-prezident olan qadın senator haqqında siyasi satira janrında olan "Vitse-prezident" qalib gəlib.

Məşhur teleserial "Şerlok: Biabırçı gəlin" ən yaxşı televiziya filmi mükafatına layiq görülüb.

Qeyd edək ki, "Emmi" mükafatı 1949-cu ildən təqdim edilir və "Oskar"ın televiziya ekvivalenti hesab edilir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi