Zaur Darabzadə: “CinemaPlus”da fiziki məhdudiyyətli insanlar üçün film izləməyə imkan yaradılıb”

“CinemaPlus” kinoteatrlar şəbəkəsinin Müşahidə Şurasının üzvü və Biznesin inkişafı departamentinin direktoru Zaur Darabzadə “İnstagram” səhifəsində maraqlı paylaşım edib.

"Report"un məlumatına görə, paylaşımda qeyd olunur ki, CinemaPlus kinoteatlarlarında (Gənclik Mall, Azərbaycan, Amburan Mall, Gəncə Mall) fiziki məhdudiyyətli insanlar üçün zallarda xüsusi yerlər ayrılıb.

"Xarici ölkələrdə olanda hər bir ictimai yerdə fiziki məhdudiyyətli insanları görüb və düşünürdü ki, Azərbaycanda fiziki məhdudiyyətli insanlar az olduğu üçün ictimai yerlərdə onları görmək nadir haldır. Bu məsələyə daha diqqətli fikir verdikdən sonra gördük ki, ölkəmizin bir çox ictimai yerində onlar üçün şərait yoxdur. Dünyanın bir çox yerində fiziki məhdudiyyətli insanlar üçün xüsusi şərait yaradılır. CinemaPlus kinoteatlar şəbəkəsi öz növbəsində, girişlərdə olan pilləkənlər düz dəhliz ilə əvəz etdi, kino zallarda xüsusi yerlər ayırdı. “CinemaPlus Azərbaycan” filialında isə xüsusi liftlər quraşdırılıb. Bundan əlavə, kinoteatrların növbətçi administratorları hər zaman köməklik göstərməyə hazırdırlar", - Zaur Darabzadə bildirib.