Sahil Babayev: "Mənim məqsədim Nazirlikdə işə çoxlu gənc kadr götürməkdir"

Bakı. 17 noyabr. REPORT.AZ/ "Mənim məqsədim Nazirlikdə işə çoxlu gənc kadr götürməkdir".

"Report" xəbər verir ki, bunu mətbuat konfransında əmək və əhalinin sosial müdafiəsi naziri Sahil Babayev deyib.

O bildirib ki, vəzifəyə təyin olunduğu gündən indiyədək Nazirlik tərəfindən 1 044 vakant yer təqdim edilib: "Ötən 6 ayda 300-dən çox cavan kadr dövlət qulluğu imtahanları vasitəsilə Nazirliyə işə qəbul olunub. Bundan əlavə, 1 000 nəfərədək gənc kadrı da işə götürmək istəyirəm".